Marrë nga muri i Flora Xhemani Babë
Verë. Vapë. Fund gushti.
Na zuri dreka (pasditja domethënë) diku në Orikum.
– Vemë te Veipi – më thotë burrio. – hamë ndonjë gjë të shpejtë?
– Vemë – i them.
Futemi në Orikum. Parkojmë. Kur ç’të shohim? Veipi kishte bërë rikonstruksion. Dekor i ri, stili pak “Boho”, karrige të bukura…
– Aha, – tha burrio – e paska ngrënë derrin edhe Veipi.
– Pse mo? – i them.
– Po, paska bërë rikonstruksion, do ketë rritur çmimet, ta pret mendja. Nga do dalin lekët e këtyre?
Ulemi. Vjen Lilua, djali i Veipit, na përshëndet si miq, na pyet për djemtë (tani jemi klientë) dhe na lë menutë në dorë.
Ne hapim menutë dhe ngelemi të dy me gojën hapur si peshk.
Veipi nuk i paska rritur çmimet! Skandal! Me çfarë do t’i paguajë karriget dhe stilin e ri “Boho”?
