Në Shkodër, biçikleta nuk është thjesht një mjet transporti – është pjesë e shpirtit të qytetit. Një simbol i lirisë, i qetësisë dhe i jetës që ecën ngadalë por bukur. Por tani, për të gjithë ata që kanë dashur ndonjëherë të shëtisin me biçikletë mbi ujë, ëndrra është bërë realitet. Prej pak kohësh, mbi ujrat e kaltra të liqenit të Shkodrës, ka lindur një mrekulli e vogël me emrin… “Biçikleta N`ujë”.
Po, e lexuat mirë: biçikleta që lundron!
E vendosur në zemrën e Shirokës, ku mali takon ujin dhe era përkëdhel pishat, ky projekt sjell një përvojë të re për vendas e turistë. Biçikleta ujore është një shpikje aq lozonjare sa vetë shakaja shkodrane – e qëndrueshme, ekologjike, e qetë dhe padyshim… fotozhenike! Pedalon, sheh, buzëqesh, e ndonjëherë edhe fishkëllen nga gëzimi – sepse mbi këtë biçikletë nuk ka semaforë, nuk ka nxitim, vetëm horizont dhe reflektime blu.
“Biçikleta N`ujë” është historia e Shkodrës që nuk ndalet së pedaluari – tani jo vetëm në rrugë, por edhe mbi ujë. Është një ftesë për të eksploruar liqenin në mënyrë të qetë, pa motor, pa zhurmë, pa ndotje – vetëm ti, pedalet dhe pasqyrimi i diellit në ujë.
Ajo është një përvojë për familje, çifte dhe miq që duan të provojnë diçka ndryshe, që nga aventura e lehtë deri te fotografia e paharruar në Instagram, (dhe këtë nuk e kemi për shaka).
“Biçikleta N`ujë” është një sipërmarrje e të rinjve shkodranë që besojnë te turizmi i qëndrueshëm dhe krenaria lokale.
Pak histori, pak sport dhe shumë dashuri
“Biçikleta N`ujë” është një poezi në lëvizje. Një aventurë që fillon me një pedalim të butë dhe përfundon me një dashuri të re për natyrën. Përfytyroje: ti, mbi ujë, me sytë nga Taraboshi, zhurma e lehtë e valëve poshtë teje dhe dritat e qytetit që fillojnë të ndizen ngadalë. Nuk ka rrugë më romantike se kjo!
Jo vetëm për ata që duan të ndihen si fëmijë sërish, por edhe për ata që kërkojnë një moment qetësie, një formë meditimi në lëvizje, “Bicikleta N`ujë” është ilaçi i duhur.
Ku ta gjejmë?
Në Shirokë, buzë liqenit të Shkodrës – aty ku ajri është më i freskët, kafenetë kanë shijen e verës së hershme, dhe njerëzit të përshëndesin me zemër. Aty ku biçikletat kanë gjithmonë përparësi, edhe kur janë… mbi valë. Dhe, kërkoni Blertin, djalin që i dha krahë – më falni – pedale, kësaj ëndrre të bukur. Ja dhe numri i tij i telefonit: +355 69 331 7117
“Bicikleta N`ujë” nuk është thjesht një ide e bukur verore. Është një shprehje e identitetit shkodran që guxon të jetë krijues, ekologjik, lozonjar dhe krenar për rrënjët e veta. Është dëshmi se kur një qytet dashuron biçikletën, edhe liqeni e pranon atë me krahë hapur.
Nëse këtë verë do një histori për të treguar – pedaloje. Mbi ujë. Me “Biçikleta N`ujë”. Dhe lëre Shkodrën të të flasë në mënyrën më të bukur që di: me zemër.
