Category:

Lajme

Travel Magazine i shtohet listës së botimeve botërore në turizëm

by 6 Gusht, 2019

written by

Travel Magazine i shtohet listës së botimeve botërore në turizëm

Messe Berlin has sponsored the 12-th. International Exhibition of Tourist Books & Magazines, organized by the Centro de Documentación Turística in ITB Berlin 2013

The 47-th edition of ITB Berlin, regarded as the world’s most important tourism fair, took place from 6th to 10th of March 2013. Despite the crisis, 10.086 companies from 188 countries have exhibited their products and services and discussed their future market strategies. Of the 170.000 visitors who attended, 110.000 were trade visitors, with a 43% of them from abroad. These figures show the success of ITB.

There, the Centro de Documentación Turística leaded by Miguel Montes, organized the successful 12th. International Exhibition of Tourist Books & Magazines, sponsored by Messe Berlin and with the collaboration of Marva Group and Hotel St. Michaels-Heim ( Berlin ). National and international publishing companies have participated with travel guides, technical books, large format editions, etc. A selection of the most important European and American travel and professional magazines has also participated. Always attentive to great events, Travel Magazine has been there.

ITB BERLIN 2014 will take place from from 5th to 9th of March 2014

MESSE Berlin sponsorizoi këtë vit për të dymbëdhjetën herë, Panairin Ndërkombëtar Të Librave dhe Revistave Turistike nga Qendra e Dokumentimeve Turistike, brenda Panairit të 47-të të Berlinit.

Edicioni I 47-të I ITB Berlin, I konsideruar si Panairi më I rëndësishëm I turizmit në botë, u zhvillua nga datat 6 Mars deri në 10 mars 2013. Pavarsësisht krizës botërore, 10 086 kompani nga 188 vende ekspozuan ofertën e tyre turistike dhe diskutuan strategjitë e tyre të marketingut për të ardhmen. Nga 170 000 vizitorë që përshkuan stendat e panairit gjigand, 110 000, e tyre ishin vizitorë biznesi, nga të cilët, 43 % vinin nga jashtë. Këto figura tregojnë edhe suksesin e ITB

Në këtë panair Qendra e Dokumentimeve Turistike, e drejtuar nga Miguel Montes, organizoi me sukses për të 12-in vit rresht Panairin Ndërkombëtar të Librave dhe Revistave Turistike, sponsorizuar nga MESSE Berlin, në bashkëpunim me Marva Group dhe Hotel St. Michaels-Heim (Berlin). Kompani Kombëtare dhe Ndërkombëtare ekspozuan publikimet e tyre, guidat, librat e udhëtimit, guida teknike, formate të ndryshme, të mëdha e të vogla etj.. U bë gjithashtu një përzgjedhje e botimeve më të rëndësishme europiane dhe amerikane e revistave profesionale të udhëtimit. Theksojmë se sivjet një pjesëmarrje mjaft e rëndësishme mund të konsiderohet edhe prania e Travel Magazine.

Panairi I ardhshëm do të zhvillohet në datat 5 mars deri në 9 Mars 2014 në Berlin

6 Gusht, 2019 0 comments

Saranda hap dyert për turistët – Çelet sezoni me Festën e Midhjes

by admin 6 Gusht, 2019

written by admin

Saranda hap dyert për turistët - Çelet sezoni me Festën e Midhjes

Saranda ishte kryeqyteti i festës në këto ditë maji, pikërisht me datat 10-11-12 Maj, kur i uroi zyrtarisht mirseardhjen turistëve të verës 2013, me një zinxhir aktivitetesh të pasur e të larmishmëm ku kryefjala e gjithçkaje ishte argëtimi. Natyrisht festimet kulmuan me atë që tashmë po kthehet në traditë të përvitshme e që po mbledh gjithmonë e më shumë vizitorë në Sarandë, me Festën e Midhjes. Mbretëresha e Liqenit, mbledh në shesh të gjithë kuzhinierët më të mirë të Sarandës dhe jo vetëm, të shpalosin fantazinë e tyre në dhjetëra qindra gatime të shijeve nga më të larmishmet, për t’i bërë vizitorët të shijojnë më të mirën. Festa solli zyrtarisht në Sarandë edhe kryetarin e komunës së Suharekës, komunë me të cilën Saranda është binjakëzuar së fundmi. Një sërë përurimesh u realizuan me rastin e hapjes së sezonit, si vlera të shtuara në shërbim të turistëve të sezonit të sivjetëm.
Një risi për këtë sezon ishte edhe guida turistike e Sarandës, realizuar prej Blue Agency dhe Bashkisë së Sarandës, një guidë praktike xhepi me informacion të pasur për Sarandën dhe Delvinën, informacion i domosdoshëm dhe i munguar prej vitesh për turistët, sidomos ata të huaj, qyshse kjo guidë nuk prodhohej dhe nuk hidhej më në treg. Kryetari i Bashkisë Stefan Çipa pohoi se kjo guidë do të jetë vërtet një dhuratë e bukur për çdo mik që do të vizitojë qytetin që ai përfaqëson.
Saranda është pregatitur dhe pret të vizitohet këtë sezon nga rreth një million vizitorë

6 Gusht, 2019 0 comments

Lajme

Në Treg numri 10 i Revistës Travel – një numër plot destinacione e ngjyra verore

by 6 Gusht, 2019

written by

Në Treg numri 10 i Revistës Travel - një numër plot destinacione e ngjyra verore

Në numrin e ri të revistës Travel do të mund të udhëtoni virtualisht në destinacionet më të bukura verore, jo vetëm në bregdet por kudo nëpër Shqipëri dhe Kosovë, si dhe trojet shqiptare të Maqedonisë dhe Malit të Zi. Artikuj të shumtë ju informojnë për situatën turistike në Shqipëri dhe rajon apo botë, si dhe për problemet që ka aktualisht turizmi shqiptar.

Travel Magazine 10, në të gjitha pikat e shitjes.

Editorial – Turizmi elektoral, nga Irhan Jubica

New Trend – Shifra dhe Fakte nga turizmi shqiptar
Sondazh – Nikaj Merturii destinacioni më i bukur shqiptar
Fokus – Kosova me mundësi të shumta për zhvillimin e turizmit
Turizmi i qëndrueshëm turk, a duhet ta marrim shembull? nga Dritan Zaimi
Echo – New York Times, Daily Mail dhe shtypi zviceran për Shqipëria 2013
Konkursi i Fotografisë – fituesi i numrit Elton Disha
Intervista, Adela: Ja vendet ku ëndërroj të shkoj. nga Flora Xhemani
Outdoor – Lake Shkodra Resort, Vlerë e shtuar e turizmit shqiptar. nga Kastriot Faci
Reportazh – Për vizitë tek Ali Pasha në Janinë
Traveler – Ekskursione përtej majave të Ballkanit
Destinacione verore Rrjolli, Plazhi i Tales & lagunat magjike,
Rodoni, Karpën, Darzeza, Palasa, Dibra, Gjakova
City guide – Përmeti, i bukuri i Frashërllinjve
Outgoing – Berlini qyteti i ndarë në mes
Festivali i Butrintit, – Rikthehen vlerat pas dy vjetësh
Travel Personazh – Marini i Apollonisë. Nga Ilirjan Gjika
Berati – Pajiset me harta GPS etj.

6 Gusht, 2019 0 comments

Lajme

Travel Magazine 11, një numër me ngjyra të arta e destinacione të parezistueshme

by 6 Gusht, 2019

written by

Travel Magazine 11, një numër me ngjyra të arta e destinacione të parezistueshme

Travel Magazine 11, vjen bashkë me vjeshtën. Një numër i artë, jo thjesht në kuptimin e stinës, por në atë çfarë përcjell ky edicion, i cili përveç destinacioneve vjeshtore, ofron edhe perla të çmuara të traditës dhe natyrës shqiptare. Artikuj që nuk duhen humbur e që përfaqësojnë punët e vlefshme të Roland Tashos, fotot e Ardian Fezollarit, mrekullinë e kostumeve tradicionale shqiptare të Edlira Sulës, apo përpjekjet serioze të Auron Tares për ta vënë botën nënujore në shërbim të turizmit. Thjesht një numër i mrekullueshëm që duhet vetëm ta shijoni!

Në këtë numër:

Editorial nga Irhan Jubica – Ndryshimi është çështje vullneti

Travel Trends – Një muze nënujor në Shqipëri? Pse jo? Auron Tare, ideatori i kësaj nisme po bën përpjekje serioze për këtë.

Fokus nga Brunilda Liçaj – Alfabeti i udhëtimit, Turizmi kinez

Fokus – Programi i qeverisë “Rama”

Echo – National Geographic: Shqipëria, vendi ideal për vjeshtën

Speleologji nga Dritan Zaimi – Shpella e Kabashit, bukuri gramshiote

Intervista – Elisa Gjerani: Dua të zbuloj Shqipërinë cep më cep (moderatorja e News 24, pozon me kostum popullor per revistën Travel)

Tradita – Roland Tasho: Si i vesha të huajt me kostume shqiptare

Outdoor nga Blerina Ago – Rafting Mania – Aventurat me Alb Rafting vazhdojnë në Vjosë

Reportazh nga Flora Xhemani – Lamtumirë verë, duke mbledhur grimcat e fundit të stinës nëpër Rivierën shqiptare

Destinacione Vjeshte – Rrugë të arta

Viluni, Prespa, Divjakë-Karavastaja, Rubiku, Ulqini, Struga

City guide nga Ilirjan Gjika – Pogradeci, i magjishmi i katër stinëve

Personazh – Ardian Fezollari, mjeshtri i fotopeisazhit shqiptar

No(w) more secrets – Dëllënjë, një ditë në fshatin e peshkatarëve

Itinerar nga Kastriof Faci – Nga Dhërmiu në Theth, një aventurë malësore me lebër

Around nga Vilma Disha – Stebleva, aromë mali në 1200 metra

Ana tjetër nga Endrit Mërtiri – Kroçerat, ëndrra që nuk i afrohet bregut shqiptar

Traveler, nga Dannie Smith – Shqipëria fasadë (një vështrim nga përtej fasadave të rikonstruktuara të Shkodrës).

6 Gusht, 2019 0 comments

Kulture Lajme

Shkodra – Traditë, kulturë dhe histori – Panair me vlera kulturore në qytetin verior

by admin 6 Gusht, 2019

written by admin

Shkodra - Traditë, kulturë dhe histori - Panair me vlera kulturore në qytetin verior

Alkida Hasaj

Shqipëria është një vend me mundësi të mëdha në aspektin e zhvillimit të industrisë turistike. Zhvillimi i kësaj industrie dhe promovimi i saj në vendin tonë është akoma në faza fillestare dhe ajo mbështetet fort në iniciativat vetjake të individëve dhe institucioneve të ndryshme që operojnë në Shqipëri.

Vlerat e pasura kulturore të Shqipërisë janë një element me shumë vlerë që bashkë me pasurinë natyrore krijojnë një ofertë turistike shumë konkuruese.

Duke u nisur nga kjo, në kuadër të 20 vjetorit të Fakultetit Ekonomik të Universitetit të Shkodërs “Luigj Gurakuqi” në pedonalen përpara Bashkisë së Shkodrës, u organizua panairi i turizmit kulturor: “Shkodra – Traditë, kulturë, histori” për të paraqitur disa nga vlerat kulturore dhe traditën e Rrethit të Shkodrës.

Ky panair në ndryshim nga shumë panaire të tjera që kanë shpeshherë edhe synime komerciale, kishte plotësisht qëllime educative, edukimin e brezit të ri dhe njohjen e turistëve me kulturën që mbart ndër vite një nga rajonet në Shqipëri dhe pikërisht ai i Shkodrës. “Është hera e parë që organizohet në Shkodër një panair i këtij formati”, vuri në dukje dekania e Fakultetit Ekonomik, Prof. Dr. Arjeta Troshani në ceremoninë e hapjes së këtij aktiviteti. Më tej ajo shtoi se është zgjedhur kjo formë e organizimit të panairit, sepse Shkodra vlerësohet si një thesar i çmuar vlerash historike dhe kulturore, me të cilat ne mburremi. Si i tillë qyteti ynë përbën një destinacion turistik të rëndësishëm në hartën e turizmit kulturor të Shqipërisë. Prof.As.Dr. Brilanda Bushati (drejtore e departamentit të Turizmit), duke përshëndetur aktivitetin u shpreh se përmes tij ne po prezantojmë një buqetë nga ngjyrat e trashëgimisë kulturore të Shkodrës, si dhe po paraqesim disa nga subjektet më përfaqësuese të aktorëve të turizmit të rajonit tonë.

Paraqitja e vlerave kulturore dhe historike nga Rajoni i Shkodërs u realizua jo vetëm nëpërmjet paraqitjes në stenda apo çadra të ndryshme të institucioneve dhe bizneseve private të lidhura me kulturën dhe që kanë kontribuar e vazhdojnë akoma sot për të mbështetur zhvillimin kulturor të këtij rajoni por edhe nga një paradë me veshje, këngë dhe valle që nga koha e fiseve Ilire e deri në ditët tona, paradë kjo që u zhvillua nga ora 10:00 – 11:00, me veshje që evokonin vlerat historike dhe karakteristikat e zonës. Disa nga aktorët kryesorë që kishin ekspozuar produktet e tyre ishin restorante dhe hotele, si: Tradita, Grand Hotel Europa, Hotel Colosseo, Hotel Argenti, Hotel Rozafa, etj. Tërhoqën vëmendjen produktet e agrikulturës, si dhe punimet artizanale; pikturat me djegie në dru, punimet tekstile, argjendaritë, maskat, etj. Në këtë panair ishin përfaqësuar edhe institucionet kulturore, si: Teatri “Migjeni” i Shkodrës, shkolla e muzikës “Prengë Jakova”, Sport Klub “Vllaznia”, Muzeu i Shkodrës, Fototeka Marubi, Galeria e Arteve.

Parada filloj në fillim me paraqitjen e veshje Ilire, më pas të veshjeve Arbërore, me recitime mbi vlerat kulturore të qytetit të Shkodrës, valle nga Malësia e Madhe, paradë me veshje nga Malësia e Madhe, paradë me maska karnevalesh të qytetit të Shkodrës, këngë popullore Shkodrane, paradë me veshje të nuses dhe dhëndrit shkodran, këngë qytetare shkodrane dhe në fund me veshje të nuses dhe dhëndrit, shkodran sot.

Gjatë paradës me veshje, këngë dhe valle, një spikere tregonte karakteristikat e veshjeve, periudhës të cilës i përkiste dhe ndonjë tjetër kuriozitet në lidhje me to, po ashtu edhe mbi rëndësinë e këngëve dhe valleve. Një gjë interesante në lidhje me veshjet Ilire që u tha ishte se “Fiset Ilire kishin kostumet e veta tradicionale – kësula për meshkuj dhe vele të gjatë për femra, pastaj petk të mbështjellë për kraharor, mbështjellësin me një pelerinë e kështu me radhë. Duhet përmendur se pelerina e tyre, duke u zhvilluar me emrin Dalmatika, hyri edhe në Romë dhe atje mbeti si petk i sipërm i klerit të Romës dhe i mbarë klerikëve të krishterë të ritit katolik.” Apo që “Romakët u frymëzuan nga fustanella ilire kur krijuan veshjet e legjionarëve. Fustanella e famshme shqiptare ishte një veshje e zakonshme për burra në shekullin XIII. Ajo ishte veshur rregullisht nga fisi i dalmatëve, njëri prej fiseve ilire. Në atë kohë ajo quhej “dalmatika”.

Në aktivitet nuk mungoi as recitimi, meqë qyteti i Shkodrës shquhet për shkrimtarë dhe vlerat e shkrimeve të tyre. Ketlin Pjalmi nxënese në gjimnazi 28 Nëntor recitoi një poezinë e kompozuar nga ajo vete dhe me te cilën kishte fituar çmim ndërkombëtar, “Shkodër Locja”.

Nuk munguan valle, këngë dhe veshje si nga Malësia e Madhe. “Me valle malësorët shprehin gëzimet e hidhërimet e jetës “ ndërsa për veshjet “Xhubleta e Malësise sipas studjuesve të mirëfilltë të etnologjisë, paraqet një ndër veshjet me të vjetra të Europës, si mbetje e një qytetërimi të lashtë mesdhetar e ruajtur me shekuj në mënyr besnike dhe autentike në traditen e veshjes popullore shqiptare. Supozohet së Xhubleta është e vjetër më se 4000 vjecare.”

Pas kësaj vallet, këngët dhe veshjet dhe nga qyteti i Shkodërs krijuan një tjetër atmosferë festive. Një nga çiftet e dhëndrit dhe nuses Shkodrane i shoqëruar me pajton deri në qendër të zonës së parakalimit dhe nën këngët e vallet Shkodrane krijuan një atmosferë shumë të këndshme e të pëlqyer nga vizitorët pjesmarrës.

“Kënga popullore qytetare shkodrane, si pjesë përbërëse e gjithë pasurisë folkloristike muzikore të rrethit të Shkodrës, përmban vlera të njohura artistike. Rrepertori i saj i pasur dhe i larmishëm, meloditë e bukura shkodrane janë punuar me mjeshtëri, janë skalitur me rrjedhën e kohërave, nga populli dhe një pjesë e tyre janë pasuruar me elementë gjithnjë e më autoktonë.”

Nuk kishin si të mungonin dhe veshjet e karnevaleve sepse tani festa e karnavaleve ka krijuar portretin e saj shkodran. Nuk munguan gjithashtu paradë me veshjet e nuses dhe dhëndrit Shkodranë sot që përfunduan këtë paradë me kërcimin e një valsi.

Ideator dhe organizues i këtij paniri ishte Fakultetin Ekonomik i Universitetit “Luigj Guakuqi” që krijoi bashkëpunime me disa institucione të tjera në rajonin e Shkodërs si me Bashkinë e qytetit Shkodër, Teatrin e qytetit Shkodër, apo edhe me komuna si ajo e Dajçit. Këto bashkëpunime mund të konsiderohen me shumë vlerë sepse sjellin zhvillim dhe në këtë rast ruajnë dhë përçojnë vlerat kulturore të një rajoni, si ai i Shkodërs.

Qëllimet e këtij aktiviteti të organizuar nga Fakulteti Ekonomik i Universitetit të Shkodrës ishte promovimi i vlerave kulturore të qytetit të Shkodrës, fokusimi në paraqitjen e historisë dhe të vlerave të asaj çfarë ofronin ekspozuesit, prezantimi dhe promovimi i Fakultetit Ekonomik dhe veçanërisht i departamentit të Turizmit si dhe promovimi i projektit CHTMBAL, kontributi i tij në zhvillimin e Fakultetit Ekonomik dhe veçanërisht për departamentin e turizmit, transmetimi tek të rinjtë i kulturës dhe traditës së qytetit të Shkodrës ndër vite. Në përfundim mund të themi se ky aktivitet ishte më i veçanti në krahasim me të gjithë aktivitetet e këtij lloji të zhvilluara më parë.

Impakti i këtij panairi ishte deri diku i dukshëm studentë dhe fëmijë ndoqën me kujdes çdo pjesë të aktivitetit, turistë që fotografonin dhe dëgjonin kur disa pjesë gjatë paradës prezantoheshin edhe në gjuhen angleze, qytetarë që kërcenin dhe studentë që pa asnjë lloj kompleksi paraqitnin veshjet me një ecje të shkujdesur.

Shpresojmë që kjo nismë të jetë vetëm një ndër të shumtat e këtij lloji.

6 Gusht, 2019 0 comments

Lajme

Travel Magazine 12 – në treg që nga fillimi i Dhjetorit, me destinacionet më të mira dimërore shqiptare

by 6 Gusht, 2019

written by

Travel Magazine 12 - në treg që nga fillimi i Dhjetorit, me destinacionet më të mira dimërore shqiptare

Ky numër special i revistës Travel është i gjithi për të mos u humbur, për arsyen e thjeshtë se në të është prezantuar e gjithë oferta turistike dimërore e Shqipërisë. Do të jetë një numër që sa herë të doni të planifikoni pushime për fundjavat tuaja, mund t’i ktheheni përsëri e përsëri, për të zbuluar çdoherë një destinacion të ri, një aventurë të re!!!

Ndër të tjera, në këtë numër do të lexoni:

Panairi i Turizmit Dimëror – një dallëndyshe në dëborë

Mirëse vini në Arbanasi – nga Lina Ivanova

Nëpër Tiranën e pesë kontinenteve

Dajti – thirrja e përhershme e dëborës – nga Flora Xhemani Baba

Turizmi dhe edukimi profesional – nga Blerina Ago

Përshëndetje nga Tetova, qyteti me bukuritë përrallore të Sharrit

Ohri – qyteti i përjetshëm

6 Gusht, 2019 0 comments

Lajme

Lugomare e Vlorës: Hotele, restorante, bare, qendra rekreative, pishina, porte dhe ndoshta një hidroplan

by 6 Gusht, 2019

written by

Lugomare e Vlorës: Hotele, restorante, bare, qendra rekreative, pishina, porte dhe ndoshta një hidroplan

Fitues për shëtitoren e vijës bregdetare në Vlorë është studio studio “XDGA” nga Belgjika. Fituesi u përzgjodh nga një juri ndërkombëtare në garën mes 5 finalistëve të cilët paraqitën vizionin e tyre për qytetin. Për konkursin e vijës bregdetare në Vlorë morën pjesë 96 projekte, 66 prej tyre të huaja.

Kryeministri Edi Rama tha se “propozimi fitues i studios “XDGA” mund të titullohet fare mirë “Vlora zgjim i bukur”

“XDGA”, një studio arkitekture nga Belgjika fitoi mbrëmjen e vonë të së premtes të drejtën e detajimit të Shëtitores Përgjatë Bregut apo që ka hyrë rëndom me terminologjinë e projektit të hartuar në kohën e pushtimit të Italisë Fashiste si “Lungo Mare” në Vlorë.

Zoti Rama shkruajti në profilin e tij në rrjetin shoqëror “fejsbuk” se projekti i studios belge është “fitues fantastik, europian dhe autentik për Vlorën”.

Kryeministri që të pestë projektet konkurres i quajti “propozime të nivelit të lartë ndërkombëtar”, për t’u ndalur te fituesi belg “XDGA”:

“Një projekt sa fantastik aq edhe i thjeshtë, sa ëndërrimtar aq edhe i realizueshëm, sa europian aq edhe shumë autentik për Vlorën. Tani nis puna për detajimin e projektit dhe kthimin e tij në zgjimin e bukur të Vlorës së shekullit të ri”.

Projekti i Shëtitores Përgjatë Bregut ishte fitues me studion projektuese belge “XDGA”, që përfaqësohej nga arkitekti Ksaver de Gejte (Xaveer de Geyter).

“Juria finale ndërkombëtare, e përbërë prej 9 anëtarësh, arkitektë e ndërtues të mirënjohur, përzgjodhi projekt-propozimin e kësaj studioje, si vizionin më të mirë për shndërrimin e Vijës Bregdetare të qytetit të Vlorës në njërën prej pikave më tërheqëse të Mesdheut”-raportoi ATSH-ja

Pesë projektidetë më të mirë ishin zgjedhur nga juria ndërmjet 45 propozimeve.

Projekti belg përmbushte dy parime themelorë: Respektimin dhe shfrytëzimin e hapësirës prej 5 kilometrash të shëtitores së Vlorës dhe përshtatjen e projektit me elementët specifikë të saj.

Juria zgjodhi ndërkohë studion arkitekturore vendase “Metropolis”, për të qenë partnere me belgët për zhvillimin e projektit.

“Fitues të vendit të dytë dhe të tretë u shpallën përkatësisht; studio zvicerane HFF, përfaqësuar nga Simon Hartmann dhe studio franceze L’AUC Paris, përfaqësuar nga Djamel Klouche”-raportoi agjencia.

Kryeministri u tha pjesëmarrësve në sallën e teatrit “Petro Marko” në Vlorë se çdo ide e vlefshme do të jetë pjesë e integruar në këtë projekt madhor për qytetin, në projektin që hap siparin e Rilindjes për Vlorën.

Kurse, kryetari i jurisë atrik Jansen tha se mbi për të gjithë propozimet ishin të vetëdijshëm se duheshin respektuar dy objektivë, së pari që të kishim një propozim të fortë kuadër që të rekspektonte të gjithë këtë hapësirë prej 5 km të shëtitores së Vlorës dhe së dyti, donim që fituesi të kishte një kapacitet që në këtë kornizë të kishte mundësinë ta bënte të përshtatshme me variacionin me elementët e ndryshme specifike të shëtitores së Vlorës.

6 Gusht, 2019 0 comments

Lajme

Huffington Post sërish rendit Shqipërinë ndër destinacionet e vitit – i radhës: Porto Palermo

by 6 Gusht, 2019

written by

Huffington Post sërish rendit Shqipërinë ndër destinacionet e vitit - i radhës: Porto Palermo

Kur është fjala për destinacionet shumë të mira evropiane, më i madh nuk do të thotë gjithmonë më mirë. Ndërsa udhëtarët zakonisht shkojnë në drejtim të qyteteve të mëdha si në Londër apo Paris, disa nga vendet e pazbuluara apo sekrete të rajonit të Evropës, janë të vendosura si alternativë shumë me e mirë por jashtë rrugëve të rrahura turistike. Nga një qytet i vogël shkëmbor shqiptar, në pamjet mahnitëse malore, në një fshat malor zviceran, i njohur për birrën e tij dhe djathin e shkëlqyer.

Kjo është një ftesë sipas përvojave tona për t’ju ofruar një listë me përzgjedhje destinacionet më të mira evropiane të pazbuluara.

E vendosur në një gji të magjishëm, mes kodrave gjelbëroshe, vetëm pak kilometra larg nga Himara, një qytet i vogël jugor me një histori të lashtë, Porto Palermo, nuk është ndoshta një fshat i mirëfilltë por ruan gjithsesi brenda tij një kështjellë fantastike të shekullit të tetëmbëdhjetë që ruhet mjaft mirë dhe nga ku ju mund të eksploroni historinë ndoshta më interesante të asaj periudhe në shtetin shqiptar. Kalaja e Porto Palermos, i buzëqesh nga shekujt kodrës përballë dhe ju ofron ju përveç historisë, edhe një peisazh të mrekullueshëm bregdetar.

6 Gusht, 2019 0 comments

Lajme

Adblock Detected